26.11.2024
Uta Ibrahimi përmbyll një vit suksesi me ILLYRIA Life!
Kompania për sigurimin e jetës ILLYRIA Life ka përmbyllur me sukses marrëveshjen për vitin 2024 me alpinisten e njohur Uta Ibrahimi, duke shënuar një vit të mbushur me ekspedita dhe arritje të rëndësishme në botën e alpinizmit. Gjatë këtij viti, Uta realizoi tri ekspedita të mëdha, që shënuan hapa të rëndësishëm në rrugëtimin e saj drejt përfundimit të projektit ambicioz të ngjitjes së 14 majave më të larta në botë.
Përmbledhjet e Ekspeditave:
- Ekspedita në Kanchengjunga – Nepal
Pavarësisht sfidave të shumta dhe kushteve të vështira atmosferike dhe teknike, kjo ekspeditë ndaloi Utën në lartësinë 7400 metra. Megjithatë, ajo e konsideron këtë ngjitje si një hap të rëndësishëm në përvojën dhe përgatitjet e saj për majat e tjera. - Ekspedita në Gasherbrum II – Pakistan (8035 metra)
Ekspedita përfundoi me sukses të plotë, duke shënuar një arritje historike për Utën. Më 21 korrik 2024, ajo ngjiti majën e Gasherbrum II, përmbyllur kështu ngjitjet e të gjitha majeve mbi 8000 metra në Pakistan, një moment i rëndësishëm në karrierën e saj. - Ekspedita në Shisha Pangma – Tibet, Kinë (8027 metra)
Ekspedita e fundit për këtë vit përfundoi me sukses të shkëlqyer. Me këtë ngjitje, Uta arriti të përfundojë të gjitha majat mbi 8000 metra në Tibet dhe Kinë, duke e afruar edhe më shumë në përmbylljen e projektit të 14 majave.
Pas tetë viteve të përkushtimit në këtë projekt madhështor, Uta ka arritur të ngjisë 13 nga 14 majat më të larta të botës. Me vetëm një majë të mbetur për t’u ngjitur, ajo është më afër se kurrë përmbylljes së këtij kapitulli të jashtëzakonshëm.
Uta Ibrahimi ka realizuar gjithashtu një projekt të jashtëzakonshëm dokumentar, të titulluar “Ajo’Mal”, që shpalos guximin, përkushtimin dhe forcën e vajzave dhe grave përballë sfidave të maleve të thella dhe të rrezikshme. Ky projekt është një dedikim për të gjitha gratë që kanë thyer barrierat shoqërore dhe kanë ndjekur me kurajë ëndrrat dhe pasionet e tyre në botën e alpinizmit.
Arritjet e Utës janë një frymëzim për të gjithë ata që sfidojnë kufijtë e tyre. Ky vit ka theksuar edhe forcën e partneritetit me ILLYRIA Life, që ka qenë mbështetje e palëkundur në çdo hap të rrugëtimit të saj. Me besimin dhe energjinë që i ka dhënë, ILLYRIA Life ka kontribuar në realizimin e ëndrrës së saj, duke bërë këtë vit një kapitull të paharrueshëm në historinë e saj.
#ILLYRIALife #SAVAInsuranceGroup #UtaeMaleve #MesNjerezveTeMire #AsnjehereVetem
