26.11.2025

Sinjalizimi si vlerë e përbashkët në ILLYRIA Life!

Në fillim të kësaj jave, Departamenti i Shitjes së ILLYRIA Life mori pjesë në një trajnim të dedikuar sinjalizimit, transparencës dhe mbrojtjes së punonjësve që raportojnë shqetësime në vendin e punës. Ky trajnim synonte forcimin e integritetit organizativ dhe parandalimin e praktikave të dëmshme, duke krijuar një ambient pune ku përgjegjshmëria dhe besimi janë vlera thelbësore.

Gjatë trajnimit, pjesëmarrësit u njohën më në detaje me rëndësinë e raportimit të brendshëm, si dhe me mekanizmat që sigurojnë konfidencialitetin dhe mbrojtjen e sinjalizuesve, në përputhje me praktikat më të mira ndërkombëtare dhe standardet ligjore në fuqi.

Ky është një hap i rëndësishëm drejt ndërtimit të një kulture ku transparenca dhe etika nuk përfaqësojnë vetëm detyrime formale, por mënyrën se si funksionon kompania. Veprimet e ndërmarra me maturi, të udhëhequra nga parimet etike dhe të kryera në interes të përgjithshëm, pasqyrojnë integritetin e punonjësve dhe shërbejnë si tregues i qartë i profesionalizmit dhe potencialit të tyre për zhvillim të mëtejshëm në karrierë.

Me këtë trajnim, ILLYRIA Life riafirmon angazhimin e saj për të mbrojtur sinjalizuesit dhe për të nxitur një kulturë pune të bazuar në etikë, integritet dhe transparencë duke e bërë sinjalizimin një vlerë të natyrshme dhe të domosdoshme për funksionimin e shëndetshëm të organizatës.

Me hapa të tillë, vazhdojmë të rrisim standardet dhe të ndërtojmë një kulturë pune ku secili punonjës ndihet i mbështetur dhe i vlerësuar.

#ILLYRIALife #SavaInsuranceGroup #MesNjerezveTeMire #AsnjehereVetem