20.10.2025

Konferenca e Shitjes, Prishtinë 2025!

Këtë vit, Konferenca e Shitjes u zhvillua në Prishtinë, ku patëm nderin dhe kënaqësinë të mirëpresim në kryeqytetin tonë kolegët nga vendet që janë pjesë e Sava Insurance Group. Kjo konferencë, e cila tashmë është bërë një traditë e rëndësishme për të gjithë ne, përfaqëson një moment të veçantë bashkimi, ku çdo vit ndajmë rezultatet, përvojat dhe idetë e reja që na ndihmojnë të ecim përpara dhe të forcojmë suksesin e përbashkët të Sava Insurance Group.

Gjatë konferencës, secili vend që ishte pjesë e takimit prezantoi rezultatet e shitjeve të arritura deri më tani, duke ndarë historitë e suksesit, sfidat e hasura dhe zgjidhjet e përdorura për t’i tejkaluar ato. Këto prezantime pasqyruan jo vetëm performancën e secilit treg, por edhe përkushtimin dhe profesionalizmin e ekipeve, të cilat çdo ditë punojnë për të sjellë rezultate konkrete dhe të qëndrueshme.

Një pjesë e rëndësishme e konferencës iu kushtua analizës së aktiviteteve të zhvilluara deri më tani dhe prezantimit të planeve të shitjes për periudhën e ardhshme, me synimin që çdo treg të vazhdojë të forcojë rrjetin e shitjeve dhe të kontribuojë në rritjen e përgjithshme të grupit. Diskutimet u shoqëruan me ide që synojnë përmirësimin e qasjes ndaj klientëve dhe forcimin e prezencës në tregjet përkatëse.

Një komponent thelbësor i konferencës ishte edhe rishikimi i KPI-ve për secilin treg dhe shkëmbimi i ideve të reja dhe inovative, të cilat do të ndihmojnë në modernizimin dhe lehtësimin e procesit të shitjes. Këto ide janë dëshmi e përkushtimit të Sava Insurance Group për të investuar në teknologji dhe për të krijuar një mjedis pune më efikas, të automatizuar dhe të orientuar drejt së ardhmes.

Në fund, përveç pjesës profesionale dhe prezantimeve të detajuara, konferenca ishte gjithashtu një mundësi e mrekullueshme për t’u afruar si ekipe, për të ndarë energjinë pozitive, për të forcuar lidhjet njerëzore dhe për të festuar sukseset e përbashkëta. Takime të tilla na kujtojnë se pas çdo rezultati qëndrojnë njerëz të përkushtuar, ide të guximshme dhe bashkëpunim i sinqertë mes kolegëve që ndajnë të njëjtin vizion.

Mes njerëzve të mirë, të gjithë kanë rëndësi🍀

#ILLYRIALife #SavaInsuranceGroup #MesNjerezveTeMire #AsnjehereVetem