10.10.2025

Tetori, muaji i ndërgjegjësimit ndaj kancerit të gjirit në ILLYRIA Life

Tetori është muaji që na bashkon të gjithëve për një kauzë të madhe dhe jetike, ndërgjegjësimin ndaj kancerit të gjirit. Ky muaj nuk është vetëm një shenjë kalendarike, por një moment i fuqishëm për të reflektuar, për të kujtuar dhe për të vepruar. Në ILLYRIA Life, ne besojmë se çdo hap i vogël drejt ndërgjegjësimit dhe kujdesit për shëndetin kthehet në një hap të madh për jetën.

Me këtë frymë, sot u mblodhëm si ekip për të dhënë një mesazh të qartë: qëndrojmë pranë çdo gruaje që po përballet me sfidën e kancerit të gjirit. Me solidaritetin tonë duam të tregojmë se askush nuk është vetëm në këtë rrugëtim, se bashkë mund të përballojmë çdo sfidë, dhe se forca, guximi dhe dashuria e grave janë një frymëzim i pashtershëm për të gjithë ne.

Një falënderim i veçantë shkon për vajzat dhe gratë e ILLYRIA Life, të cilat janë jo vetëm zemra e kompanisë, por edhe shembull i energjisë pozitive, i përkushtimit dhe i profesionalizmit që e bëjnë çdo ditë të punës më të pasur dhe më frymëzuese.

Tetori është kujtesa se shëndeti është dhurata më e çmuar që mund t’i japim vetes dhe atyre që duam. Prandaj, mesazhi ynë është i thjeshtë por i fuqishëm: mos e shtyni kontrollin, bëjeni sot.

Në ILLYRIA Life, ne do të vazhdojmë të jemi zë i fortë për ndërgjegjësimin, mbështetje për ata që përballen me këtë sëmundje dhe shembull i solidaritetit që shkon përtej punës, duke u bërë pjesë e përgjegjësisë sonë njerëzore dhe shoqërore.

#ILLYRIALife #SavaInsuranceGroup #MesNjerezveTeMire #AsnjehereVetem